落場無母女︱謝嘉怡打麻雀食阿媽胡　差啲大三元

前港姐冠軍謝嘉怡喺蘇格蘭長大，嚟到香港發展不斷增值自己，除咗演技外，佢更學好廣東話同中文，希望可以闖出一片天。雖然外表西化，但原來佢對麻雀情有獨鍾，適逢佢媽咪返嚟香港，就一於約埋竹戰一番。嘉怡就喺社交網晒出打麻雀嘅相，驟眼睇仲以為佢食出大牌「大三元」，但睇真啲，佢只碰咗「發財」同「白板」，仲爭「紅中」，大牌變細牌，真係唔抵呀！好多網民都留言話想同佢打番幾圈，又話嘉怡識食胡已經好叻添！