王君馨Bra辣Jam歌 感恩生命有好多女神

2021年09月24日 20:01
東網電視
更多新聞短片
新一集《演鬥聽》有嘉賓衛詩(Jill)、王君馨、潘宇謙(AP)、莊冬昕(Ben)及Rumbu,大家進行音樂battle,Jill被Rumbu獨特聲線吸引,她笑說:「第一次聽嘅以為係女仔,點知係男仔,佢把聲好特別。」
而首集以白老鼠嘉賓身份上節目的郭偉亮(Eric Kwok)再擔任評判,主持王梓軒感激謝Eric兩度撐場,Eric唔怕捱眼瞓,更大讚好玩、刺激,是一個好有創意的音樂節目。
今次以歌手身份上場的君馨,以火辣bra top造型亮相,解放D奶!她說:「難得可以同咁多音樂人、製作人同歌者,由零到一百做一首歌。平時錄歌唔會全部人喺埋一齊,呢個節目好好,(今次玩remix重新唱,有冇難度?)都難嘅,《女神》呢首歌對我嚟講好難得,我生命中好多個女神,就係我圈中好多個姊妹,如果冇佢哋一路陪伴,好似天使咁包圍住我,其實呢一行都唔容易行。」而Jill也感到好好玩:「好開心學識好多嘢,又有機會唱啲少唱嘅嘢,暫時我要出多兩首慢歌,之後希望可以唱啲輕快嘅歌。」