李思雅拎香港匹克球女子雙打冠軍：依家缺場地

無綫「女鐵人」李思雅（Cindy）打網球、高爾夫球場勁係人都知，其實Cindy對其他運動都好有熱誠，之前於《明星奧運會》中，更一人囊括7金1銀獎牌，包括羽毛球、乒乓球、跑步等等。而Cindy似乎對有「板」的運動都相當熱衷，日前她就以大使身份進行了香港匹克球（Pickleball）公開賽女子雙打比賽，更贏得冠軍。

Cindy接受東網訪問時謂：「其實打開揸板運動去玩Pickleball係有着數嘅，尤其係打開網球，今次好多人都係打開網球嚟參加比賽，而呢類球類係容易打啲嘅，老人家及小朋友都可以嘗試玩，較易上手，不過喺香港並未普及，都想政府知道呢個運動，依家場地係缺乏嘅，呢個亦係推廣呢個運動困難之處。」

而Cindy最近亦不時玩滑水，而她更向高難度挑戰，除了練成360度轉身外，更一路玩Wakesurf一路打網球：「呢排專登練滑水，畀塊板拍親條腰，仲練到背脊腫晒，我喺水入面4個鐘不停咁練，真係要好勤力。」