周杰倫變撞樣王　鄉村低配版笑爆網友

周杰倫除咗係台灣天王，仲係「撞樣王」！之前內地有個小販喺街頭賣手抓餅，個小販因為太似周杰倫，唔少市民同佢影相留念，生意仲好好添！

最近又有翻版周杰倫出現，網上流傳一段片段，背景似係內地農村，背景音樂播住周杰倫嘅《一路向北》，有個男人揸住點電單車出現，呢個男人眼、耳、口、鼻同周杰倫一模一樣！佢仲口擘擘夾晒口形，扮晒嘢喺度唱歌，真係呃到吓人㗎！但望真啲，佢着住條吊腳褲，踢住拖鞋，品味同正版周杰倫差好遠！

識睇緊係睇留言，有網友笑爆話：「有杰倫的長相，但沒杰倫的財產」、「也沒有杰倫的老婆」、「破產版周董」、「鄉村低配版周杰倫」、「同一張臉身價天差地別」。