Baby冇退出《奔跑吧》照錄影　新女原來唔係迪麗熱巴

內地王牌綜藝節目《奔跑吧》收視長紅，當中鼻祖主持Angelababy（楊穎）早前就有傳會退出最新一季，仲話會由迪麗熱巴攝位，點知今日（25日）就有大批網友拍得最新一季《奔跑吧黃河篇2》嘅外景錄影情況，見Baby依然有參與拍攝，有傳同Baby不和嘅內地女星宋雨琦亦有在場，而被指會攝位嘅最後由內地女星白鹿及小鮮肉男星林一「頂上」，未見迪麗熱巴身影。

眾人現身山東拍攝，惟當地天氣不穩，藝人都要撐住雨遮出鏡，即被網友大讚態度專業。拍攝完畢要上車轉場時，Baby、白鹿、李晨等都紛紛同現場圍觀者揮手道別，不過宋雨琦就一個箭步上車，未有同現場人士交流。