Anson Lo新歌MV兩日破百萬點擊　甜爆晒畫冧神徒

男團MIRROR人氣王「教主」盧瀚霆（Anson Lo）新歌《Megahit》風頭勁，個MV只係上載兩日，已經極速衝破百萬點擊量，成為新一代「百萬歌手」，粉絲「神徒」更加講明會挑戰200萬點擊量。Anson隨即喺限時動態上載MV造型「福利圖」，又親自畫畫以示感謝，加埋凌晨上載邊坐車邊哼歌自拍片，真係睇到「神徒」心心眼。佢又上載「小神徒」挑戰MV舞步嘅片，果然識冧粉絲。

而於今年9月起，MIRROR及各成員嘅Solo歌喺港台近乎「零播放」，雖然Anson Lo首新歌依家咁Hit，但係依然無法打入港台「中文歌曲龍虎榜」20大，繼續冇影！