亞姐︱轉眼就30年!「湯碗胸」羅霖封后好似尋日嘅事

20210925
東網電視
更多新聞短片
《亞洲小姐競選2021》香港區決賽今晚(25日)於大埔總台舉行,前亞姐羅霖、林作、泳兒等都有出席,擔任評判的羅霖谷出「湯碗胸」,她透露剛完成兩個月的劇集拍攝,原定已啟程到內地工作,惟因劇集延遲煞科,令她錯過了北上搵真銀機會:「真係好可惜!(覺得今屆佳麗質素點?)今晚先正式見到,要睇真人先得,睇相就睇好(14)仇澤華。(有咩評審準則?我都要求高,當然要有美貌、智慧同身材,重要係出場要畀到自信同笑容,答問環節要表現大方同答得清晰。」身為1991年亞姐冠軍的她,慨嘆30年過去,感覺如同昨日發生的事般,她說:「選美對我人生改變都大,覺得個個人都有追求夢想權利,都知今年有位佳麗表現突出,會頒『努力大獎』畀薛影儀,佢幾好,又多工作,仲多嘢做過三、四線藝人。」
同樣是評審的林作則自誇睇慣靚女,評審準則是美貌與智慧,最重要是合眼緣,問到事前可有與女友裕美備案?他幽默表示:「佢都有嚟,唔會畀我自己嚟,畀佢睇到實,不過今晚我係專業嘅。」亞視安排今晚賽事於多個網上平台播放,惟其中一個平台起初僅得200多人觀賞。
而表演嘉賓泳兒現身獻唱了《感應》和《荊棘海》兩首歌曲,有網友搞笑留言:「『要阿儀(薛影儀)』,『唔要泳兒』。」另外,泳兒被問到分別在亮相三個電視台,她說:「好開心,多咗地方宣傳,平時出街都多咗粉絲,主動叫我影相,吸納咗唔同年齡層嘅粉絲,有日揸車,隔離車同我揮手。」首次亮相亞視節目及任選美嘉賓的她又說:「之前冇機會,未諗過可以參加選美,(諗過選美?)冇,外形都唔達標,身材其次,自己個樣唔適合選美,只適合做歌手。」談及因參加亞姐而有人氣的薛影儀,她表示:「都好欣賞佢,喺化妝間見到佢,好多人起哄叫佢影相,覺得佢係個有夢想要去追嘅好例子,因為唔知將來會點,佢個心好純真,依家都啲人接受程度高咗。」另外,薛影儀本於泳衣環節和司儀介紹佳麗出場,可是遲遲未見她「隆重登場」。
此外,亞洲電視控股有限公司主席賴彩雲入場前受訪,大談公司來年計劃,其中為明年5月亞視65周年開拍電影及電視劇,還會主力打造APP,而明年亞姐將擴大至全亞洲,現時已與不同國家斟洽舉辦權。