亞姐︱陳美儀奪冠贏在夠後生　后冠送阿媽做禮物

《亞洲小姐競選2021》香港區決賽圓滿結束，最後由陳美儀獲得冠軍，她同時獲最完美體態獎，成雙料冠軍。陳美儀對於獲獎表示心情興奮：「冇諗過自己會得到冠軍，發夢就有諗過，冇諗過夢想成真。」她稱多謝努力的自己，以及這期間幫助過她的所有人：「教我口才嘅老師，家人尤其媽咪對我嘅悉心照顧，佢每日煲湯畀我飲又陪我減肥，多謝自己每日堅持做運動，所以今日有咁好狀態比賽，仲多謝我嘅琵琶老師，我練才藝表演好大壓力，佢願意幫我重新編曲，令我今晚發揮得好好。（覺得贏在邊方面？）勝在年紀，我今年20歲，我好有愛心，我係護士，而且懂得同人相處之道，同佳麗們雖然係競爭對手，但大家仍相處融洽。多謝公司畀咁大嘅舞台我，同埋滿足我提出嘅要求。」

講到如何慶祝？她透露由於太疲倦，故決定今日（26日）會全日留在家中，並已着朋友幫她叫定一日三餐的外賣：「我最想食生蠔，26號係媽咪生日，我想將我嘅后冠作為佢嘅生日禮物，相信佢會對我引以為傲。」