客廳被巨物侵佔 孫慧雪被老公彈唔識嘢

2021年09月26日 14:02
東網電視
更多新聞短片
藝人孫慧雪突然上載一張黑色巨型物品相到社交網,原來係佢老公收藏品,但雪雪就唔多欣賞喇,佢留言話:「當你返到屋企,見到舊嘢牙咗你屋企半個廳?你嘅反應會係⋯⋯⋯」雪雪都即刻「質問」老公:「乜料」,而佢老公就答佢:「好型喎!」搞到雪雪都冇咁好氣,仲話已經逼老公Pack番入箱搬番去迷你倉,然後爆料話老公一路都有收集收藏品,不過佢一啲都唔識同唔欣賞,但老公就話好保值,已經逼爆3個迷你倉,收藏品可以多到開展覽!
不過其實呢件黑色收藏品大有來頭,連金曲歌王林俊杰(JJ)都有一件透明版,呢個收藏品係塗鴉大師futura嘅聯乘作品,今年5月開售全球限量350隻,定價為15,300港元,暫時網上炒價已達2.3萬元,即短短時間已升值50%,果然眼光獨到!