區瑞強開騷玩新嘗試　音樂魔術大融合

歌手區瑞強（Albert）將於10月15至17日於灣仔伊館舉行一連3場演唱會，屆時將會邀請Uncle Ray、胡楓、李思捷、王馨平、肥媽、黑妹等，Albert回想起他當年由Uncle Ray推薦入行，更為他首支唱片歌曲《When a Child is Born》擔任獨白，他說：「佢榮休對我嚟講係好大件事，今次演唱會特登搵佢嚟聲演番嗰首歌嘅獨白部分，仲可以向佢致敬。」

他指Uncle Ray將於11月初進行榮休演唱會，Albert笑說：「早前佢打電話畀問我有冇興趣做嘉賓，我當然諗都唔諗就答應咗，因為就算佢唔叫我，我都會去睇。」

而今次演唱會除了有音樂元素，他更作出新嘗試，邀請來魔術師甄澤權（Louis）做嘉賓，他說：「我真係仲未知到時Louis會點樣表演，可能魔術本身就比較神秘，不過到時一定會將魔術同音樂融合，畀一個驚喜大家。」