《甄嬛傳》反目成仇！孫儷同陶昕然私下係好姊妹

內地女星孫儷近日忙住為新劇開工，尋日（26日）過39歲生日嘅佢，竟然收到「仇人」陶昕然送祝福！佢哋曾經喺內地劇《後宮甄嬛傳》中合作，孫儷演甄嬛而陶昕然就演安陵容，劇中講到佢哋原本情同姊妹，但最後「安陵容」陶昕然為自身利益背叛「甄嬛」孫儷，最後反目成仇、互相廝殺、鬥過你死我活，但現實中原來佢哋一拍即合成為好姊妹！

陶昕喺社交網晒咗唔少私下同孫儷影嘅合照，睇到佢哋不時都攬頭攬頸，頭貼頭咁影相，相處融洽，陶昕窩心留言：「親愛的孫儷，生日快樂，我們的11年，感恩你出現在我的生命裏，祝你平安、健康、喜樂！」引嚟唔少網民熱烈討論，話估唔到佢哋喺現實中係好姊妹，大讚佢哋好好戲，又話「陵容和嬛嬛這輩子要做真姊妹」，並期待佢哋再次合作呀！