張栢芝唔落妝衝去游水Chur到閂門　毛巾包頭自毀形象

女星張栢芝雖然工作忙碌又要兼顧家庭，但亦不忘做運動維持強健體魄，日前佢即使工作到夜晚10點幾，都堅持趕回酒店游泳池游水，剛做完嘢尚未落妝嘅佢仲自嘲：「妝都冇落，游完先落，啲人心諗呢個女仔做咩化行妝游水！」之後佢順利趕得切抵達泳池，仲游到泳池關閉先捨得上水，最後急急洗頭匆忙離開，仲急到要用毛巾包住頭咁離開酒店，佢即笑指自己向來不顧形象：「我經理人話『明星嚟講你都算係最隨便』，我問點解？『邊有人會好似你依家咁樣企喺酒店門口㗎？』我唔理啦，咁我係人嚟㗎嘛！」

另外，佢亦拍片指希望以自己做例子，提醒大家唔好搵藉口逃避做運動，又自言游水除為咗身體健康，更可以減壓：「平常工作太累，帶小孩太累的時候，其實我很需要腦袋放空，不單是游泳，其他運動都可以。然後都可以有優質的睡眠時間，很多人問我為甚麼可以堅持下去，但一天一天這樣堅持可以找到很大的樂趣。」