絕密片段曝光︱容祖兒激動狂跳　為林子祥瘋狂

天后容祖兒早前喺內地出席中秋晚會，見到偶像林子祥喺台上表演時，頓成迷妹，喺台下當熒光棒係咪咁邊唱邊揈，原來喺綵排時佢已經好瘋狂！祖兒上載絕密片段，見佢攬實對方唔放，好似阿女同爸爸咁，非常溫馨！

見綵排時，林子祥已經中氣十足，賣力獻唱，好似真正演出咁，而祖兒就企喺台邊揮手，今次就將電話當係咪，激動到跳跳紮，身體不停搖擺，就連在場攝影師都忍唔住影佢，最後祖兒大嗌：「好酷哦～」並留言：「中秋晚會最開心的就是見到了Lam哥林子祥，因為我們都互相擔任過對方的演唱會嘉賓，他又是一個對我很好的前輩，見到偶像的心情難以言語，潛入綵排現場，激動～」