馬國明男一地位不保？劉佩玥化身爆乳「羅拉」勁吸睛

無綫新劇《隱形戰隊》無論班底定演員陣容都非常強勁，有視后唐詩詠、視帝馬國明、最佳男配角陳山聰及港姐季軍劉佩玥（Moon）等，而監製就搵嚟文偉鴻！尋日（26日）大熱天時，佢哋都要拍外景，又秋冬衫上陣，擔住遮嘅詩詠同兩男子都話好曬，質疑：「點解有人可以飯前收工嘅？」馬國明就話：「男主角嘛！」不過唔係講緊佢喎，而係另有其人，大家異口同聲話：「咪就係林子善囉！」

鏡頭一轉，就見到子善搽太陽油：「我哋嘅感覺好熱血，係熱血幹探，咁梗係要有番啲氣勢，你哋着長（袖）衫，如果唔係我都會幫你搽！」之後有人就提議佢幫阿Moon搽，子善笑言：「好多人都想幫阿Moon搽，我都好想搽呀！」而阿Moon即尷尬得擰頭微笑回應，不失禮貌，非常搞笑！而佢嘅一身《盜墓者羅拉》造型就非常搶鏡，緊身小背心上陣揸住槍，顯得非常「Big」爆！