Jer開Show前氣管敏感呻苦　姜濤勁緊張獲毛舜筠打氣

男團MIRROR成員柳應廷（Jer）及姜濤今晚（27日）與林家謙和Tyson Yoshi合體演出《拉闊音樂會》，其中Jer同姜濤早前先完電影《阿媽有咗第二個》，之後就立即綵排音樂會，行程非常忙碌，Jer尋晚（26日）就喺社交網上載黑底白字圖，表示：「開Show又嚟氣管敏感……係咁收縮好辛苦。」令一眾「柳柳粉」非常擔心！今日佢再上載新片，見佢已身在演出場館亞博，不過就未有透露身體狀況！

另一邊廂，姜濤都有上載綵排片段，見到阿Jer現身，而Tyson Yoshi就瞓喺地上休息。之後佢又上載多張照片，黑衫黑褲嘅佢一頭亂髮，成個小朋友咁做出搞鬼表情，不過實情係：「嗯….緊張得…瘋掉了…」而「阿媽」毛舜筠就留言為佢打氣：「淡定！??????Good Show ??」真係非常窩心，經理人花姐及一班網民都祝福佢哋Good Show，一切順利呀！