張栢芝內地密密吸金呻攰　細仔「監場」好乖巧

女星張栢芝最近到內地工作密密吸金，連日來於社交網分享工作、化妝、做運動等點滴，當大家以為今趟旅程未有帶同兒子之際，原來係保護細仔「小王子」！張栢芝被野生捕獲帶同細仔一齊開工，工作人員為佢化妝整頭時，佢全程拎住手機傾偈，不時面露笑容，心情大靚。而細仔就由保母及保鏢照顧，指「小王子」好乖巧冇扭計，皮膚白白滑滑，非常可愛，栢芝收工後與一行人到商場行街，相當寫意。

尋日栢芝上載一段短片攤喺梳化大呻又攰又餓，透露已工作十幾小時，但見其妝容依然貼服、容光煥發，真係得天獨厚，最後仲為自己打氣，要繼續努力工作賺奶粉錢。