挑機天后王菲經典作！炎明熹清唱《紅豆》網民讚治愈

《聲夢傳奇》三料冠軍炎明熹（Gigi）近日推出處女作《真話的清高》做樂壇新人，MV上架至今已經超過50萬觀看次數，成績理想。與此同時，早前佢曾拍片清唱天后王菲嘅經典作《紅豆》獲激讚，更被封「天后接班人」，不過就因為唔熟歌詞而有啲美中不足，唔少網友都希望佢可以重唱完整版。

愛錫粉絲嘅佢呢日終於「找數」，再次清唱《紅豆》，仲唱足分幾鐘，其清澈歌聲獲網民紛紛大讚治愈：「Gigi唱紅豆太治愈了好好聽！」、「唱完紅豆，下一首都要繼續紅！」、「百聽不厭！」、「有感染力，好有個性嘅聲音」等，而唱完歌詞後Gigi更發揮幽默本色，大講爛gag：「大家知唔知點解我唱《紅豆》把聲會咁沙？因為紅豆沙呀！」相當搞笑。