王丹妮喪煲梅艷芳作品:欣賞佢嘅努力同義氣

20210928
東網電視
更多新聞短片
傳記式電影《梅艷芳》將於11月上映,該片將重現已故天后梅艷芳主演的電影及音樂作品的造型。電影中飾演梅艷芳的王丹妮(Louise),以及飾演姐姐梅愛芳的廖子妤(Fish),今日(28日)出席位於尖沙咀的梅艷芳展。
Louise表示很榮幸成為展覽會嘉賓:「好開心睇到好多梅姐fans借出嚟展覽嘅珍藏,亦都展出咗3套我哋電影中嘅戲服畀大家欣賞。(拍咗套戲之後,對梅姐認識有冇多咗?)一定有,我哋團隊做咗好多資料蒐集,呢半年入面,我除咗每日練唱歌同跳舞之外,亦都會不停睇同聽梅姐嘅戲同歌,好欣賞佢努力同有義氣,亦不斷回饋社會。」她感謝導演關錦鵬對她的讚賞,亦感謝劇組及每位演員對她的關顧,指與Fish戲外都變成了好姊妹。
Fish則坦言相對梅艷芳,梅愛芳留下來的資料比較少,她説:「反而令我有更多嘅空間去揣摩角色,自己放重喺角色嘅姊妹關係,佢有個好叻嘅妹妹,而現實生活中我都有個好叻嘅妹妹,作為家姐係有啲心理壓力,我將呢份經驗放入去角色,去揣摩Ann姐(梅愛芳)會唔會有相同嘅諗法同感受。」