過兩招畀個女！李影唔介意同沈穎婷同台演出

資深藝人李影與女兒沈穎婷、魏秋樺今晚（28日）現身電台接受楊紹鴻訪問，分享昔日拍劇點滴。李影說是首次和女兒一起上清談節目，她說：「我哋平時都有私底下傾偈嘅。（阿女之前做舞台劇有冇過兩招畀佢？分享自己經歷？）舞台劇有導演教啦，佢同我講接咗舞台劇，我叫佢畀心機做好啲囉，佢好少睇我啲戲，哈哈！佢之前喺TVB做啲戲，我都有睇嘅，新人嚟講ok啦。（有冇同佢傾會唔會做返幕前？）我哋好少傾呢啲，佢咁大個人，有自己嘅選擇空間啦。」她指若合適，不介意與女兒同台演出外，對於早前被拍得與男性友人公然咀嘴，問她有否被嚇怕，她說沒有，更言私人事不作多談。

同場現身的魏秋樺，表示難忘早年與楊紹鴻合作過舞台劇：「佢搞到我成個癲婆咁，30幾年冇做過舞台劇已經緊張，佢仲要畀成6、7頁對白我，舞台劇冇得NG，更加要熟讀對白，搞到我日日自言自語背對白，好似個傻婆咁。」

另外，盧惠光早前亦帶同兩名寶貝兒子接受楊紹鴻訪問，16歲細仔Jovan比阿哥還要高，現正於香港讀書的他，表示想子承父業入行做藝人，爸爸盧惠光則要求他要以學業為先。