Anson Lo爆肌晒底褲仔　神徒癲晒：我想睇神鵰！

人氣男團MIRROR熱爆全港，備受各大品牌商喜愛，接廣告接到手軟，衣食住行包羅萬有，近日更有網民發現「教主」Anson Lo（盧瀚霆）竟然驚喜擔任內褲品牌模特兒！

今日（28日）某內褲品牌於社交網上載一張男Model硬照，雖然相中人未有正面示人，只微微低頭露半臉，並賣關子：「當遇上不一樣的他， 到底會擦出甚麼花火？Stay tuned，留言分享你期待的他！」但一班Anson Lo的粉絲「神徒」們，仍清楚認得出「教主」，重點係相中疑似Anson Lo爆肌現身，並拉開褲鏈露出底褲邊，非常誘人，即令一眾「神徒」激動表示：「教命呀！係教主呀！call 白車啦唔該！」、「我應該大叫，定應該大笑，定應該食定暈浪丸！」、「個心負荷唔到呀！」、「除埋條褲，我想睇神鵰！」

而另一條影片中，見疑似Anson Lo繼續赤膊上陣，並展示強勁背肌，一樣咁吸睛。其實之前Anson Lo為新歌《Megahit》操肌時，亦曾透露因拍廣告而需要騷肌，相信就係講緊今次嘅廣告。