吳沚默劉溫馨普通話轉廣東話勁甩轆：我哋好無默契

TVB文青女神吳沚默（Momo）可謂多才多藝，除了幕前演出，亦有撰寫劇本，近月更與李龍基太太合作搞風水藝術畫作生意，認真樣樣皆能！日前，她則與劉溫馨一起做網上直播節目，由於2人平時用國語溝通，所以用番廣東話傾偈時，即蝦碌百出，Momo笑言：「我哋今次做節目都幾無默契，好多嘢都講錯咗，好搞笑。」

2位靚女一齊出擊，就算有錯漏，網民都會多多包涵，Momo上載2人合照，更獲網友大讚漂亮，問到2人的擇偶條件會否都很相似？Momo謂：「都似，都係喜歡做嘢好專注、錫自己嘅男仔。」

今次做直播節目，Momo都充當了主持的角色，節目播出期間不斷去睇網友留言以及即時回應，問她會否收到一些不文留言？Momo謂：「當然有，好無奈，不過，直播一般有小編或者管理員會幫手刪走。」