「大灣區」崛起　胡杏兒內地劇齊集12位香港演員

藝人張智霖（Chilam）、陳小春、梁漢文、謝天華及林曉峰喺內地綜藝節目《披荊斬棘的哥哥》組成「大灣區五人組」，成功掀起內地市場對香港藝人嘅狂熱追捧。早前胡杏兒喺真人騷《演員請就位2》奪冠後，隨即獲央視邀請上春晚，佢最近就有內地新劇《獅子山下．情》開拍，早前就公布過李治廷亦有份參演，胡杏兒則擔正做女主角，不過據「金牌編劇」、新劇總編劇陳寶華稱，今次全劇12位演員都會係香港藝人，雖然佢稱因為啲約未簽所以未肯公開名單，不過今次絕對係破天荒地批准咁多香港演員一齊。