把關者們︱丁子朗第一日開工就要扮GD　仲要講韓文

無綫小生丁子朗於現時播映的劇集《把關者們》中飾演一名海關員，劇中大談他由入學堂到真正做海關員的故事。而昨晚（17日）一集中，子朗就要模倣韓國Big Bang隊長G-Dragon（GD），「放蛇」到舖頭買冒牌衫，期間更大晒韓文。原來子朗本身識韓文，但他坦言去旅行時講韓文同演戲講實在是兩回事。

子朗接受東網訪問時謂：「為咗呢個造型我哋都試咗好多次，而拍攝呢一場戲係我第1日開工，好在自己本身係識韓文，所以唔係話太難，不過因為得我一個人知道究竟講得啱定唔啱，所以要自己『把關』，睇Playback時要聽得小心啲，自己為呢場戲都背咗幾日對白，希望大家睇到我落嘅心機同苦功。」