10月生得！38歲林依晨親認懷孕　老公返台陪妻

現年38歲嘅台灣女神林依晨，同結婚超過6年嘅圈外老公林于超一直都好想生小朋友，但長年要分隔台美兩地，最長更試過半年先見一次，造人真係唔容易！雖然依晨兩年前停工養生備孕，但一直都冇消息，不過今日（29日）終於傳出喜訊，林依晨被指秘密懷孕，預產期仲喺10月，林于超就被影得低調返台陪愛妻，而依晨助手就不斷出入其住所，幫手去超市買嘢又要放狗，多日都未見依晨身影。

其實喺3月時，以一頭短髮示人嘅林依晨，被問造人消息時，未有斷言未成功：「該試的我們都試了，任何你想得到的方式，我們都試過。」至於幾時拍新戲，佢就話預計明年，睇嚟已經埋下懷孕伏線。而喺佢最近嘅廣告中，全程都只影上半身或着厚身衫，孕肚保密，風聲半點不漏。雖然當事人未證實消息，但網民都紛紛留言恭喜佢呀！

而之後林依晨透過經理人回應確實懷孕一事，預產期是10月底，而老公就回台陪產。至於有傳她是人工受孕，經理人就表示：「就給我們一點空間表示一切都是喜事，希望外界祝福。」

林依晨亦在社交網承認佗B，她留言：「是的，我懷孕了...跟大家分享我們喜悅的同時，也謝謝大家的關心與祝福，我的母嬰用品已幾乎準備妥當，95%以上是親友們轉贈的二手貨恩典牌，也使用布尿布，所以先婉謝大家想送我東西的好意，我們一起節約資源；）」她更澄清表示：「我本來都還不知道是男生女生耶！經紀人也並沒有證實這個消息，請大家和我一起期待，不要破壞驚喜喔！當然，無論男孩女孩，都值得被愛：）」