曾樂彤演新一代「阿寶」唔擔心　陳家樂拍情慾戲？

由陳家樂、曾樂彤及馬思惠主演、葉念琛執導的英皇電影《分手專家》在灣仔舉行煞科儀式，英皇集團主席楊受成親臨現場支持。首次擔任女主角的曾樂彤飾演最新一代「阿寶」，扮演分手專家，問到可擔心與歷代「阿寶」比較？她說：「唔擔心，拍之前有睇以往嘅經典，但冇去鑽研，拍都係按照導演去演繹。」她又稱榮幸能與師兄陳家樂合作，自言出道時首個MV已邀請他拍攝。

講到可有親熱戲？陳家樂笑說：「少量，拍得葉導演嘅戲好難冇親熱、情慾戲，情慾戲就交畀阿Bob（林盛斌）同七師傅。」他又自爆曾懇求導演讓他演男版「阿寶」但卻不成功，導演指阿寶只能是女生。不過，他稱角色很有挑戰性，充滿心計兼機關算盡，希望能帶給觀眾耳目一新感覺。