關禮傑離巢無綫 叫阿女捱吓世界先

20210929
東網電視
更多新聞短片
藝人關禮傑出席活動,同場還有葉家寶、劉錫賢、蔡國威等人。問到女兒關楓馨選完港姐後近況如何?他笑言:「佢呢排就休息緊,但都係要keep fit,因為都要影相。(見到佢之前同班港姐去主題樂園玩?)係呀,佢同應屆港姐好老友,見佢好開心又成長咗,都戥佢好開心,佢以前做教書冇咁多姿多采,依家人生就豐盛啲。(佢嚟緊簽約無綫?)相信佢會,如果佢真係想喺呢行發展,就喺公司好好學習。」
講到有傳他離巢無綫?他坦言:「係呀,依家係部頭形式, project by project,唔係綑綁式合約,我可以多啲時間返內地兩邊走。(《我家無難事》係最後一套?)係呀。(之後會唔會再返嚟拍劇?)應該有機會嘅,睇角色需要。」問到豈不是未能與女兒合作?他笑言:「實有機會嘅,等佢捱吓世界先,我又想放多啲時間喺內地。」問到何時會到內地工作?他表示:「本身想10月底返去拍戲嘅,但12月又想返嚟同屋企人慶祝聖誕節,唔想返去個幾月又要返番落嚟,又要隔離,所以依家再同嗰邊傾實啲時間先。」