搣甩「娘炮」味！張藝興Man爆有運行

吳亦凡、鹿晗、黃子韜同埋張藝興以韓團EXO出道，四人相繼返番內地工作，被封做「歸國四子」，但依家4個人當中，有3個陷入唔同嘅風波之中，好似吳亦凡就涉強姦被捕，鹿晗就被指係「娘炮」，黃子韜就被批成日炫富，得番張藝興冇事，仲要啲Job多到不得了，有份演出嘅節目有《極限挑戰》、《這！就是街舞》、《一起火鍋吧》等，全都大受歡迎！

最近，網上流傳多張張藝興童年照，其中一張相見佢戴住眼鏡同埋四方帽，搽晒唇膏咁，嘴唇紅卜卜，而眉中間仲有一點紅，成個女仔咁，非常精靈可愛！有網友笑言好彩張藝興長大後搣甩「娘炮」味，咁啱內地嚴打「娘炮」，依家生得咁Man實有運行呀！