Staycation慶祝拍拖周年　陸浩明被陳敏之追問婚期

藝人陸浩明（6號）與女友陳詩欣拍拖多年，大家都好期待佢哋幾時結婚，不過兩人似乎仲未有計劃，而今日（30日）6號就喺社交網上載咗一段短片，兩人到一間酒店Staycation慶祝拍拖周年，陳詩欣一開門就收到6號送嘅一大紮花，仲有蛋糕，後來陳詩欣再上樓梯到睡房，原來酒店房係複式設計，陳詩欣準備咗「Love」氣球，仲有成床玫瑰花瓣，6號再喺床上拆禮物，就收到女友送嘅燈座，個燈座相當特別，係以兩個人樣子製成，浪漫又有心思！陳敏之都忍唔住留言話：「請問幾時結婚？」