與王君馨鬥舞結緣！胡杏兒凍齡13年唔識老

視后胡杏兒近日由內地返港，除咗立即孖住老公李乘德出街拍拖，呢日仲相約好姊妹王君馨見面敍舊。王君馨於社交網大晒靚相，指2人早在10多年前因參加比賽《舞動奇迹》第二季結緣，又晒出當年合照做對比，大讚杏兒零走樣：「由舞動奇迹，到你第一個演唱會，到耀舞長安，到今日已經10幾年啦！除咗你依家結咗婚同埋生咗三個小朋友，你一啲都冇變，仲係嗰個好有理想，好有義氣，同好照顧人的大姐姐。」