結婚9周年！周汶錡孖老公着情侶裝襯到絕

名模周汶錡（Kathy）嘅法籍老公Julien Lepeu去年被爆「偷食」，事過境遷，Julien「從良」做番好老公兼好爸爸，一家四口相當溫馨。昨日（29日）係2人結婚周年紀念日，佢哋就全家總動員出動，去到高級餐廳食飯慶祝。見佢哋盛裝打扮，兩個囝囝齊齊着晒成套西裝表現隆重，相當有型。至於Kathy就襯番老公嘅白恤衫，着上白色露膊衫，情侶裝上陣認真襯到絕。另外，有好友晒出當年Kathy結婚時嘅舊照送上祝賀，Kathy都有讚好。