同葛優姪仔約會冧到震！周揚青被當面請食檸檬

大陸網紅周揚青同台灣天王羅志祥分手後，生活多姿多彩，戀上30億富二代籮昊後再極速分手，仲大方喺真人騷《女兒們的戀愛4》分享，依家就同緊個細6歲、知名演員葛優姪仔陳瑞豐Dating！兩人第一次約會時已經散發住戀愛氣息，周揚青問到陳瑞豐鍾意咩類型女仔時，陳瑞豐就唔敢答，之後被再追問下，就講出同周揚青一樣嘅特質，包括濃顏、眼睛大、高冷又直爽，令周揚青冧爆甜笑，自言言語咁話：「他是在照着的說嗎？」

不過，喺最新預告中，兩人去到別墅Staycation，周揚青興奮問對方，如果之後節目要佢繼續同自己約會一星期，會否答應，豈料對方竟表示：「恐怕不太行！」令周揚青當堂瞪大雙眼睥實佢：「真的假的？」陳瑞豐就再次話：「我不行！」竟然當面當食檸檬？有網民覺得好可惜，但都有網民認為只係剪接效果：「肯定是嫌棄一個星期不夠！」