上節目崩潰爆喊有原因？193疑同Dee姐分手

組合ERROR成員193（郭嘉駿）人氣冇得輸，人紅多是非，佢早前就捲入旗下品牌被追數風波，上月佢同ERROR成員阿Dee（何啟華）一齊接受網上節目訪問時，忽然情況激動爆喊，當時佢就解釋係因為太在意網友負面Comment而男兒落淚，不過尋日（2日）似乎就有新「解釋」，因為外界有傳佢同緋聞女友Dee姐（陳海寧）分手！

有消息指193同Dee姐近日已秘密分手，仲係鬧得相當不愉快嗰隻，所以雙方私下向公司表明，希望日後盡量唔好安排二人同場出現，為免面左左到大家都不歡而散。再翻查二人社交網，均未見有負面情緒Post，僅上載唔少生活照及工作照等。