湊仔湊到瘦！周汶錡落閘唔追女

名模周汶錡（Kathy）出席護膚品牌活動，透露日前帶同6歲大仔與老公食飯慶祝結婚9周年，特別選址他們最喜歡的餐廳享受燭光晚餐：「以前每年周年紀念都去呢度，今年帶埋大仔一齊浪漫吓！4歲細仔因為坐唔定冇帶佢去。（老公有咩表示？）一定有送花，其他唔講得，總之係我鍾意嘅嘢。」

問到可會趁機追多個女？Kathy笑指現時湊兩個仔已很辛苦，再加上年紀問題應很難成事：「湊仔唯一好處係瘦咗，佢哋依家返傳統學校，係要忍心幾年，佢哋之後就讀得舒服。（小朋友中文程度Ok？）我平時同佢哋講中文，佢哋中文叻過爸爸，同埋我每日都會幫佢哋睇功課，當係挑戰自己。（有冇同妹妹周勵淇交流湊小朋友心得？）佢小朋友好細，比較緊張啲，成日要黐住佢。」