孖吳鎮宇北上拍真人騷　張衞健操水備戰

內地娛圈的「清朗行動」進行得如火如荼，「藝人拉黑名單」經常更新，人心惶惶，故不少影視大製作都按兵不動。不少演員選擇轉戰綜藝節目，當中張衞健及吳鎮宇月中就會參與節目《追光吧！哥哥2》的錄製，前者近日開始積極備戰，練水操肌。

談到即將展開拍攝，身在北京的健仔表示相當期待：「好想拍個好嘅節目，同埋識多啲新朋友。我咁鍾意打桌球但冇腳，搞到要纏住老婆，逼佢陪我去！如果搵到志同道合嘅好朋友咪有伴囉，你話幾好呢！」今年剛巧是他入行37周年，如果節目收視理想，將是個不錯的紀念。

另外，真人騷《超A古裝女主角》亦投入拍攝，公布由張曉龍擔任常駐嘉賓，他將以舞蹈禮儀導師身份加盟，節目還打算邀請趙雅芝、李若彤、張雨綺及佟麗婭等特別登場。至於黎耀祥亦返內地開工，擔任央視晚會嘉賓。