符曉薇使7位數創業出童裝　老公陳柏宇力撐！

歌手陳柏宇太太符曉薇（Leanne）籌備3年的童裝品牌面世，獲不少圈中人如謝安琪和吳雨霏的女兒支持。對於逆市斥資7位數字創業，獲老公陳柏宇獻身支持，一家三口親自上陣拍攝宣傳照，她表示：「自從Abi（女兒）出世之後，發現買衫畀小朋友係件有技巧嘅事，好難買到又靚，質料又好嘅衫，試過買件都幾貴嘅衫畀個女，點知一除衫就見佢甩到成身黑色，所以對小朋友嚟講，質地好係最重要！基本呢個原因，創立品牌第一個重點係布料，然後就係設計。」

提到設計，Leanne直言最大靈感來自囡囡，她覺得童裝質料好外，款式又要靚，可以mix and match，她說：「咁樣大人有時想同小朋友襯埋一份都多啲選擇；設計上我會將我嘅諗法講畀設計師聽，畫完出嚟再作出修改。」至於老公有何評價？她說：「佢好支持呀，覺得啲衫好靚，佢有時又會畀啲意見；因為暫時都係以網店形式經營，希望着過嘅朋友可以多啲分享，就算冇親身摸過我哋嘅衫，都可以靠口碑話畀大家聽係可信賴！」