蘇民峰難得偕妻蒲頭　近萬靚鞋贈老婆

堪輿學家蘇民峰與台籍老婆結婚廿多年，一直愛得恩愛，但就十分低調，日前兩公婆就難得被撞破出巡！見到身處名店的他們以一黑一白「夫妻裝」上陣，原來蘇民峰想買對靚鞋送給老婆，見他細心為老婆畀意見，期間又發揮「睇風水」本色，叫老婆應該揀甚麼顏色、款式的鞋，並烏身幫老婆睇鞋，而老婆又被他的風趣幽默氹到瞇眼笑！揀完一輪後，他最後扑槌，為老婆買入近萬元的新鞋，認真愛錫老婆！