出嫁在即　陳詩欣晒長腿火併姊妹團！

藝人陳詩欣（Eunice）與圈外男友陳爾正（Joshua）忙於籌備婚禮，不過都要同一班好姊妹狂歡一番，舉行了一個以長腿為主題的婚前派對。準新娘與好友余香凝、鍾晴、蔡嘉欣、陳約臨、鄧穎堯和方詩揚，換上絲質睡衣在酒店內盡情開放，晒出七對白滑美腿鬥功架，以長度來算網友首選陳詩欣，皆因她出蠱惑將衫身有咁高拉咁高，營造出長腿效果。一班好姊妹又向她送上香吻，十分香艷。余香凝表示：「知道妳最近為了籌備婚禮，特別精神緊張，希望這個婚前派對，可以令妳輕輕鬆鬆地開心一天。婚禮當天一切都會順順利利，妳將會是最美的新娘子，我們都將會是最美的姊妹團。」

陳詩欣分享派對照片並留言：「謝謝我的索爆姊妹團，知道大家工作都好忙，做媽媽的就更加忙，謝謝你們陪伴我渡過一個開心的晚上，迎接人生另一個階段。」她今日（8日）接受東網訪問，直言十分享受這派對：「今次個party勁開心，玩咗好多遊戲，同埋要傾吓結婚當日，點樣去玩新郎，又傾吓當日嘅流程。因為佢哋知道我臨結婚前好緊張，所以搞呢個party令我放鬆啲。最大功勞係余香凝。佢除咗忙工作，仲要照顧囡囡，但佢為呢個派對準備得非常好，例如攝影師、花、汽球、蛋糕等，佈置晒成個地方，佢又買埋睡袍，全部佢一個負責晒，佢真係好犀利！」她更透露伴郎是鍾培生，伴娘則是鍾晴。