生酮飲食法減20磅　戚黛黛靠蒟蒻麵止癮

前港姐戚黛黛近期在網上頻道分享生酮飲食減肥經驗，兩個月減去20磅的她指因進行生酮飲食期間，不可以吃澱粉質，對多年來習慣吃粉、麵、飯的她來說有點煎熬，會以蒟蒻麵來滿足渴望食麵的欲望，她說：「接觸生酮飲食之前都唔未食過蒟蒻麵，原來蒟蒻麵有好多款式，好似河粉、米粉、粉絲、冷麵等等，質感同麵差唔多，會再爽口少少，可以滿足想食麵嘅欲望。」

黛黛指蒟蒻麵的善食纖維豐富，幫助排便之餘亦相當飽肚，加上沒有糖分與低卡路里，對減肥相當有幫助。愛下廚的她亦拍片示範一款乾炒豬肉蒟蒻河粉，煮得有板有眼，她笑說：「平時炒麵暴力少少都會爛，蒟蒻麵好處係煮極都唔爛，所以好容易煮。不過，自己覺得蒟蒻麵買番嚟好似有陣腥味，所以最好先出水、或者最少沖吓水，咁就會冇咗陣腥味。」