跑馬地塌棚意外︱吳綺莉差半小時險變亡魂：整晚睡不着！

吳綺莉福大命大！她今早（9日）凌晨在社交網發文表示自己逃過一劫。昨日（8日）跑馬地在強風下發生棚架倒塌意外，釀1死1傷，事件引起關注，原來吳綺莉差點成為今次意外的主角，她留言：「今天（昨天）逃過一個災難，到現在都睡不着，就在我行過這條路的半個小時後，就出了意外一個很努力的女工冒着風雨上班，而離開了我們、我們活着的每一個人還有甚麼需要投訴，人生實在太無常了，希望一個善良的人、一路好走！」對於跟死神擦肩而過，不少網民大呼好險，叫她平時揸車要小心，亦希望死者安息。

東網聯絡上吳綺莉，她表示能夠安全無恙，絕對要感謝一位長輩及天父：「因為當日有位長輩約我早啲出門口，去處理一啲事，所以先可以避開一劫。冇諗過發生意外咁大件事，導致一位女工過身，聽到心好唔舒服，打工搵餐飯食但遭遇不幸。」更指獲悉事件後整晚未能入睡，沒料「不幸」事件一不離二。

居住在意外地點附近的她，於強風吹襲下，因漏水導致大廈總電箱壞掉，結果整幢大廈停電，她說：「都冇辦法，沖凍水涼都係小事，因為細個喺泳隊習慣沖凍水，但夜晚要摸黑度日，惟有點蠟燭，好似好浪漫咁，大人都還好，反而鄰居有小朋友，佢哋就要搬出去住幾日，希望快啲整好啦！不過諗深一層，相比起打風有人命傷亡，我呢件事都只係小事一則。」