同譚詠麟舉杯暢飲！林子祥Keep得好被嗌「祥叔」

殿堂級歌手林子祥將於10月12日過74歲生日，佢嘅老友譚詠麟（阿倫）已急不及待同佢提早慶生，阿倫喺社交網晒咗多張孖一班朋友同林子祥慶生嘅相，睇到阿倫同林子祥全程傾過不停，舉杯暢飲，笑容滿面，相當開心！而林子祥搭住阿倫坐喺石壆影合照，網民話佢哋嘅互動好甜蜜呀！

有網民就大讚林子祥Keep得非常好，睇落完全唔似就嚟74歲，早排佢喺內地晚會中獻唱而被網民大讚為「世紀巨肺」外，最近北上發展嘅佢，加入內地真人騷《我們的歌3》，同楊千嬅、薛之謙等人參賽，惡鬥一眾新生代歌手一啲都唔輸蝕，不過節目主持可能真係太尊重林子祥，竟然叫佢做「祥叔」，搞到「祥叔」呢個朶，而家唔少網民都係咁叫！