伍詠薇忽然醒起自己有老公：佢跟咗我20幾年！

藝人伍詠薇（伍姑娘）和周祉君今日（9日）冒着8號風球，出席由他們配音的動畫電影首映禮，伍姑娘有老公練海棠陪同出席，拍拖睇戲認真Sweet，早前她與《金枝慾孽貳》一班閨蜜到酒店Staycation，她說自己其實雙重性格，熱鬧又得，一個人留在家玩貓亦得，之後才醒起笑說：「我原來有老公，有貓又有老公，老公跟咗我20幾年。」

她表示下午出門時風雨交加，十分論盡，感謝大家打風仍出席支持，又話昨日風雨更大，她照樣出街，落車行幾步已全身濕透：「我要去見情人。」之後講笑是為做Facial扮靚，顯然扮靚對她非常重要。周祉君表示剛才坐的士要收打風錢，但他覺得合理。兩年前他們為第一集配音，今次第二度聲演加酬勞？伍姑娘笑言：「幾大都話加咗，唔通話減酬勞都做？我好港女，傻豬嚟嘅，點會唔加呀，加咗20蚊，我有市場價值。」除了配音，伍姑娘覺得學無止境，鍾意寓工作於娛樂，自言好博愛，只要有錢賺的地方就會見到她。