古力娜扎拍內衣廣告被批太密實　網民：紅咗身驕肉貴？

「新疆四美」之一的內地女星古力娜扎，早前接咗一個內衣廣告，不過今次吸睛感大減！雖然講明係內衣廣告，當然齋着內衣褲大晒爆乳身材先叫做啱數，但佢就喺內衣外面，加咗件低胸長袖運動裝，係就係有事業線同蛇腰睇吓，不過啲網民就覺得太密實囉，仲留言話人紅咗，係咪身驕肉貴？

雖然性感程度大減，但喺呢條30秒嘅廣告片，娜扎都有表現出佢嘅誠意，好似公開佢閒人免進嘅休息室，原來佢喺休息室唔係休息，係好勤力咁研究劇本，仲要對住塊全身鏡跳舞。佢啲動作都充滿動感，更凸顯出佢副身材好玲瓏浮凸，不過如果有得揀，梗係睇肉，好過睇跳舞啦！