《造星IV》MV玩日本高校Look　超短裙狂扭蛇腰有睇頭

ViuTV選秀節目《全民造星IV》早前公布96強索女，網友已經預測緊誰是三甲，又將各大靚女逐一起底，真係點都走唔出觀眾法眼。未正式睇節目，ViuTV先有《造星IV》主題曲《前傳》MV花絮放上網，引一引班網友。

見新MV出動到多部航拍機，成百名選手去到郊外拍攝兼暴曬，不過見佢哋其中一個造型就係着上類似日本高校嘅校服造型，白恤衫襯迷你裙，全程又唱又跳仲要狂扭蛇腰，連字幕都整埋日文，青春氣息撲面而來，睇嚟MV今晚（10日）正式出爐時已經吸引到一班宅男粉絲瞓身支持。