Alan同郁達人合資6位數出新歌　強調E-kids冇解散

組合E-kids兩位成員林詠倫（Alan）與郁達人（前稱郁禮賢Kasa），今日（10日）現身保良局助養兒童活動，Alan表示已非首次參與該活動，自己也有意向助養兒童。活動上二人首次獻唱新歌《I know they know》，並透露二人夾份投資6位數字推出新歌，Kasa説：「Alan負責統籌，我負責創作，新歌特色係副歌加咗幾句韓文歌詞。（想吸納年輕女粉絲？）想大小通殺呀，哈哈！主要係希望畀大家帶嚟新鮮感，總共會有三部曲。」

受疫情影響，原定去年舉行的演唱會被迫押後，他們希望能配合歌曲第二部曲，於明年初或中舉行，但一切主要取決於Kasa，他説：「做咗爸爸後發福唔少，所以要先努力減磅。（目標減幾多？）20至30磅啦。」身旁的Alan説：「依家做乜都要睇佢減肥進度，因為投資唔少，唔想浪費嘛。」他們又強調E-Kids從未解散，各成員會互相支持。