吳若希結婚4周年紀念　老公片場陪開工！

歌手吳若希（Jinny）跟老公Alex經常耍花槍，今日（10日）係兩人結婚4周年紀念，Jinny喺社交網高調晒愛，化作小鳥依人嘅佢依偎喺Alax心口，好鬼煙韌！佢留言：「有咩驅使你結婚周年都要開工啊？係＃青春本我呀！我咁青春！一定要開住工證明自己結完婚都係好青春。」

原來Alex專程到片場陪老婆開工，認真抵錫，圈中好友王敏奕、丁子朗、甄澤權都送上祝福，仲讚兩人好sweet。Jinny演出嘅新劇《青春本我》即係《聲夢》學員炎明熹、姚焯菲、鍾柔美等人主演嗰套青春劇，雖然Jinny已經有一對仔女，但早婚嘅佢今年都係得29歲，都算係青春嘅靚媽！