95後咪神︱陳欣茵解放34D　36E波波有對手！

無綫節目《#後生仔傾吓偈》中嘅「後生女」主持臥虎藏龍，收埋好多咪神，好似95後嘅波波（黃婧靈）同埋陳欣茵，可謂「後生女咪神」代表。波波成日晒波波，今次輪到陳欣茵發功，喺社交網大晒水着相，見佢以火紅色一件頭泳衣上陣，Deep V設計盡騷勁爆身材，大解放34D咪咪，3吋事業線任你睇，睇嚟36E嘅波波有對手喇！

陳欣茵有感而發寫咗篇「給女生的話」，留言：「自信真的可以靠練習努力得來，告訴自己你真的比想像中的棒，好好欣賞自己的成就和優點，了解自己的不足，踏出讓你躺很久的comfort zone，重點的是不要害怕失敗，所有跌跌撞撞都會讓你成為更好的人，自信一步一步建立，你會發現自己真的會變得愈來愈好！」不過唔知有網友會唔會掛住睇相，而冇睇佢篇文呢？