樂宜開心踢走「電燈膽」　讚張秀文男友係筍盤！

無綫咪神張秀文大方認愛金融才俊，早前更孖新歡Billy、34C宅男女神樂宜及其富二代男友黃俊輝進行4人約會，齊齊現身馬場拉頭馬，因而爆出戀情。當日跑出的「神期大帝」馬主正是黃俊輝的哥哥黃俊雄，故有指Billy與他們相熟。

樂宜受訪時坦言私下認識Billy，之前更經常與男友「3人行」食飯︰「之前冇聽佢講過拍拖，嗰日係咁啱約埋一齊去馬場，亦係第一次見張秀文。佢哋拍拖當然好戥佢哋開心，恭喜佢！起碼Billy唔使再做我同男友嘅電燈膽，哈哈！（佢係筍盤？）係嘅，咁當然冇我男友咁好！」原來Billy亦跟江嘉敏男友、電競公司高層Anthony是合作夥伴，不過今次他是秘撻張秀文，所以連江嘉敏亦不知情。