梁仲恆自恃後生唔做身體檢查：傷風感冒都好少！

演員梁仲恆與前香港殘奧代表跑手蘇樺偉，今日（11日）出席關於罕見血液疾病的展覽，梁仲恆坦承因為年紀輕，故從未做過身體檢查：「不過依家年紀開始大，都想做吓，我向來身體都好好，傷風感冒都好少。（平時有冇鍛煉身體？）我會打籃球同健身，而且我做舞台劇演員，同返寫字樓工唔同，我哋每日都有好多郁動，要熱身同拉筋。」講到工作，他透露忙於排練舞台劇《穿Kenzo的女人》，今個星期尾起演出10場：「係一個音樂劇，我會又跳又唱，雖然冇跳開舞，但以前喺學院都有接觸過，對我嚟講唔係全新嘅嘢，都需要好大體力，但我相比其他演員好啲，唔算多跳舞戲份。（嚟緊有咩工作？）電影方面暫時未有，再下一個工作都係舞台劇，下年3月會同張錦程、游學修合作。」