爆入行辛酸史!馬德鐘臨時被易角:取替我嗰位好堅

20211011
東網電視
更多新聞短片
藝人馬德鐘、唐詩詠、車婉婉、王君馨、羅天宇等出席無綫劇集《我家無難事》宣傳,日前到大學出席講座的詩詠,透露當日面對一眾修讀演藝的學生,逐一分享自己的經驗,她說:「有個女仔女鍾意做戲,但去過好多次試鏡都失敗,問我點可以行落去,我話畀佢知,點唔得都要堅持。(你有冇被拒絕過?)梗係有,有同我講太瘦做唔到主角,又唔夠高,Challenge我好多嘢,但最重要係我真係好鍾意做戲,就算人哋點講都要咬實牙關同喊住行落去,我性格係任性,唔得都要得。」
而德鐘亦表示也有類似經歷,寄語大家要堅持,千萬不要放棄,透露當年入行初期接拍了一部鬼片,戲份等同男主角,沒料開工兩日卻無原因地被換走,他說:「我冇問點解,總之取替我嗰位好堅,所以咩都會發生,做呢行要堅持,唔好放棄。(之後有冇再同呢位導演合作?)唔好講啦!(當時有喊?)唔開心一定有,難得差唔多係男主角,呢個都係一個經歷,畀自己人生一啲路向點去行,勉勵啲同學,畀人拒絕唔重要,一次成功就得啦!」