簡淑兒笑男友麥大力講中文似爆粗

藝人簡淑兒出席無綫劇集《我家無難事》活動，透露僅以客串身份亮相，基於該劇監製王心慰早於當日未有劇組選她拍劇時，已向她給予機會，故今次即使戲份不多，但也二話不說答應演出。

談到與機師男友麥大力拍拖一段日子，簡淑兒即一臉冧樣，表示湊巧近排大家未有新劇開工，變相見面時間增多：「佢下個月開劇，因為中文唔係咁叻，所以有同佢對吓稿，見佢平時自己寫晒拼音，但好多時都唔明意思，靠死背好辛苦，所以會一齊對劇本時同佢解釋吓，咁佢學嘢都好快好聰明嘅，仲好想學好啲中文，因為佢講中文好似講粗口，所以我哋好正常會講番英文。」

喜歡健身的她，笑指大力亦花了一個半月時間操出六舊腹肌：「佢好想練成八舊腹肌，因為好鍾意王敏德，想學拍動作戲，同埋呢個係佢35歲前嘅目標，所以努力戒口，食白烚雞肉同菜，希望可以等到一個機會。」